Vröch den Magister dat Bännätzken: „Du häs veer Knöpe in dinne Buxentaschke un twee valt di drut, Wat häs dan in dinne Buxentaschke?“
„Een Lok“

De Schole in Ellewick hääf ne lange Tradition. Vulle Jungs und Maikes hebt inne Banke säten und hier das Räken und Schriewen leert. Öwwer de Schooltied in de ersten Joaren häff jeder wat te vertellen. Et was nich alltied plesäärig, man se hebt alle watte leert. De Meesten bünt te gudd met terechtkommen. Früher wadden mehrere Scholjoare in eene Klasse. Ok schäiden dat nich met dat veerte Schooljoar ut. Se gingen bis tot achte Schooljaor noa Ellewick in de Schoole und doarnoa kwammen de Jungs in de Lehre und de Vrouwlöö in’n Hushoalt.

No heb we all siet een paar Joaren de Schoole upedeelt und tesamen met Ammeloe un Lünten ne nijen Namen: De Hamaland-Schoole. Den ollen ersten Deel van de Ellewicker-Schoole wödd noch affebrokken un den Rest noch wat uppeknappt.
Dat meeste Geld geht noa Ammeloe, doar wödd ne nije Schoole met ne Köcken bouwt. Doar könnt den Kinder dan den ganzen Dag inne Schoole bliewen, wanneer de Öllers kin Tied hebt un arbäiden mött. Dat heff sick doch wat ändert.